ပဋ္ဌာန်းကို ၃ မျိုးအားဖြင့် ခွဲခြားဝေဖန်ကြသည်။

ပစ္စယုဒ္ဒေသ = ပစ္စယ + ဥဒေသ = ပစ္စည်း + အကျဉ်းဝေဖန်ခြင်း။
ပစ္စယနိဒ္ဒေသ = ပစ္စယ + နိဒ္ဒေသ = ပစ္စည်း + အကျယ်ဝေဖန်ခြင်း။
ပရိနိဒ္ဒေသ = ပဋ္ဌာန်းကို အကျယ် ဝေဖန်ခြင်း။

 ကျမ်းကြီးအနေဖြင့် ပဋ္ဌာန်းကျမ်းကြီး ၄ မျိုး ရှိသည်။

၁။ ဓမ္မာနုလောမ ပဋ္ဌာန်း – အကျဉ်း ၆ ကျမ်း
၂။ ဓမ္မပစ္စနီယပဋ္ဌာန်း – အကျဉ်း ၆ ကျမ်း
၃။ ဓမ္မာနုလောမ ပစ္စနီယပဋ္ဌာန်း – အကျဉ်း ၆ကျမ်း
၄။ ဓမ္မပစ္စနီယာနုလောမ ပဋ္ဌာန်း – အကျဉ်း ၆ ကျမ်း ဟူ၍ ဟောပုံဟောနည်းအရ ကျမ်း ၄ မျိုးရှိသည်။

ထို့ကြောင့် စုစုပေါင်း ၂၄ ကျမ်းဖြစ်သည်။

ဓမ္မာနုလောမ ပဋ္ဌာန်း – အကျဉ်း ၆ ကျမ်း ကို အကျယ်အားဖြင့် အောက်ပါအတိုင်းပြန်ခွဲသည်။

၁။ ဓမ္မာနုလောမ တိက ၂၂ ကျမ်း၊
၂။ ဓမ္မာနုလောမ ဒုက ၁၀၀ ကျမ်း၊
၃။ ဓမ္မာနုလောမ ဒုက တိက ၆,၆၀၀ ကျမ်း၊
၄။ ဓမ္မာနုလောမ တိက ဒုက ၄,၄၀၀ ကျမ်း၊
၅။ ဓမ္မာနုလောမ တိကတိက ၁,၃၈၆ ကျမ်း၊
၆။ ဒုက ဒုက ၁၉,၈၀၀ ကျမ်း ဟူ၍ ဖြစ်သည်။ ထို့ကြောင့် အကျယ်တွင် ဓမ္မာနုလောမ ပဋ္ဌာန်းအတွက် ၃၂၃၀၈ ကျမ်း ဖြစ်သည်။ သို့အတွက် စုစုပေါင်း ၁၂၉,၂၃၂ ကျမ်းဖြစ်သည်။

ပဋ္ဌာန်းကို နက်နဲမှုအရ ၄ မျိုးခွဲနိုင်သည်။ ဂမ္ဘီရ ၄ မျိုးဟုလည်း ခေါ်သည်။

ဓမ္မ ဂမ္ဘီရ = ဝေါဟာရ စကားလုံးနက်နဲခြင်း
အတ္ထ ဂမ္ဘီရ = အနက်အဓိပ္ပာယ် နက်နဲခြင်း
ဒေသနာ ဂမ္ဘီရ = ဟောပုံဟောနည်း နက်နဲခြင်း
ပဋိဝေဒ ဂမ္ဘီရ = ထိုးထွင်းသိမြင်နိုင်မှု နက်နဲခြင်း တို့ ဖြစ်သည်။